اذا جرحك كبر لتكشفه للغير(للشاعر مهند العياشي )

اذا جرحك كبر لتكشفه للغير
مايسري الألم بلي يشد جرحك
أبد مو جرحك انت الطيحك علگاع
انت الغير شد ويه الجرح جنحك
اخذ طبع النخل كلما يمر صيهود
يغطي جريده هامه وبالصخر يسحك
ماوچه عله سعفه يناطر الخنياب
ولو يبقه عله حاله الحول مايلحك
خلص عرف الطوايف وشل الناموس
من ثوب الصداقه تريد تاخذ حك
ظم سرك اسیرک ینذل وینهان
ظمه بغیر شخصک تنذل وتنحک
ماگلک صدیقک هل وکت چذاب
بس مو کل شخض ظل بي یمض ملحک
من زادک لگمته وجفک الماعون
یعض جفک عگبها ویکفر بملحک
اذا هامک جبل لاتجفل من الریح
مایعله الجتوف شماکبر سفحک
ومرات الجتوف اتصیر فوگ الهام
شمایکبر تلمه وعل نهر تضحک
اكو ايشوفك صديق شماغلطت ويا
واكو يشوفك عدوه شما تمد صلحك
چن گاع الصبخ وشماتمدها بماي
غير الشوك ماتحصد مسح فلحك
لتخاف اليذمك بالوجه وتحير
خاف من الذي بوجهك يحب مدحك

منقول للشاعر البصراوي

¤مهند العياشي¤

.. ياسمين العراقيه ...

شكرا لتميزك الدائم

دمتي بحفظ الرحمن

تقبلي ودي واحترامي
.. سكون الليل ..

شي روعة وربي
عاشت ايدك

شكرا على المرورالجميل

شنو هاي حياتي ياسمين والله ابداع كلش حلو
عاشت ايدج على النقل المميز

يــســلــمو على الطرح المميز

تحياتي