احس بطعم شوكَك ونتة زعلان
ومن تزعل جمالك اكثر يزيد
يجينة العيد نفرح نلبس الوان
ونتة من يجيك يلبسك العيد
لأن مشتاقلك قررت احاجيك
وعليك آنة إسألت كل ضني الكاك
وكَفت اكبال بابك عود اتانيك
شفت ظلي طلع يتمشة وياك
شفتك ماحجيت بساعة المريت
بية الصوج وانت من الذنب خالي
خدرانات ادري من التعب رجليك
من كد ماتروح وترجع بالي
من تمشي الصبح خل عينك عالكاع
لان نظرات عينك تكتل ابنادم
واذا باليل تطلع عمي طب بساع
اذا هية الصبح وادمنة تترادم
خلينك بالشمس حتة اسمر تصير
وعيون التحسدك تكطع النظرة
اجيتك ردت اشوفك تدري شلكيت
وجهك ماتغير والشمس سمرة