على كرسي الاعتراف

عمي على كيفكم بالبنيه والله خطيه عليكم...

الله يسادج روز

[quote="عراقي كلي فخر"]اي حرامات والله نسيت الاسئلة بالبيت
ماشي باجر ان شاءالله

اني من كعدت على الكرسي حتى مي محد جابلي[/quote

هههههه حسدتني على العصير يله حعوفلك نص كوب كول روز مو كريمة..؟؟؟ هههه

يله لتتأخر جيبهن وتعال

سكون الليل كتب:

هههههههههههههه
اي اكو انوب قبل متخلص الاربعه ايام
اني حهريكي النهارده هههههههههههه

يله اني احب اسئلتك كلش ممتعه
هههههههههههههه ميخالف اذا هيج اسئله حلوة اجاوب ليش لا

منوره اختي والله اتي اثبتي جداره بصراحه عند اجابتك لتلك الاسئله بصوره حقيقيه

السلام عليكم ورحمة الله وبركاته اعزائي اعضاء منتدى النور . نت المحترميين

لدي اقتراح لمن ساهموا في هذا الموضوع المميز

لكل من يجلس على الكرسي 10 اسئله فقط ... واذا كااان العضو الجالس على الكرسي تحبون ان تترفوون عنه اكثر فلحد الاقصى 15 سؤااااال

مارايكم

كثرة الاسئله والاجوبه لا تفي بغرض الموضوع ولا تجعل له اهميه كبرى

فالاعضاء الذين يجلسوون اليوم سوف نسالهم 10
وبامكاننا ترشيحهم وان نعيد عليهم عشره اخرى بدوون ملل

اما اذا الان كرست لهمجمييع الاسئله فلييس بالامكااان ان نعييد الترشييح عليهم

مع احترامي لللاداره والمشرفيين والاعضاء

وجهة نضر

وعشرة اسئله تكفي

تحيااااااتي

كونترول عازف الاوتار كتب:

سكوني كاااااافي ولله الاجوبه يعني شكلك كل سؤال اله جوااب في مكانه

وته حمودي اذا اجيبك كل المشروبات والاكلات تكدر اجاوب هكذا اجابات

مشكوره اختي الغاليه على صراحتج وتعاطفج بجوابج الي هيه بصراحه

مليئه بلصدق والاحاسيس والخياال وفي الدقه ومنتهى الجماال والروعه

شكرا واني عدي سؤال واحد فقط

ماذا تفعليين لو ... فقتدي جزء من حبكي في يوم وتغيرت مشاعركي تجااه الحبيب ماذا ستفعليين

وشكرااا لكي اختي الغاليه

اني الاشكرك اخوية العزيز على مرورك وسؤالك
جوابي هو مستحيـــــــل لان مشاعر الحبيب تجاه حبيبه متتغير مهما كانت الضروف او مرت سنين طويله واذا تغيرت فبالنحو الايجابي يعني يزيد الحب مو يقل
هذا هو الحب الحقيقي الي اني اعرفه
هي تصير بس مو بحاله الحب بحالة التوهم بالحب
يعني مرات تشوف شخص ترتاحله وتتعلق بي وتتوهم انك تحبه وبالفعل تحس بهل الشي
ورة فترة تكتشف انت جنت تحبه كصديق او زميل او اخ او اي شي ثاني غير الحبيب فعادي يقل مقدار الحب وتتغير المشاعر
اكو فرق بين الحب والتوهم بالحب

اسفه على الاطاله
تحياتي الك

شبيكم دتيعطون
اخوان الكرسي االعتراف من يوم يومه هيچ
لا نغير ولاشي
هههههههههههههههه
حمودي ديربالك تره مااخليك تنقل هههههههههههههه
حبيبي اسيف انته
لا موخطيه هذا كرسي اعتراف
من اسمه تفتهمه اووووووووووووووووووكي
يله عيني جاوبي

شكرا جزيلا لكي اختي الغاليه على صدقج بالاجابه

وشكرا على الجوااب الشافي والكافي للسؤال ماتي

هذا و الجواب في مكانه

ويا سكوني اني اطيت مقترح فقط اووووك حب

شكرا روز ....

نعم نعم اجابه موفقه وكافيه مثل ماكال عازف الاوتار

الصراحه كمت احسدك على اسلوبك الجميل

واني ارشحك لاقوى شخصيه بالمنتدى من بعد الاسيف

شكرا مره ثانيه موفقه ان شاء الله

اني الي اشكركم
كونترول عازف الاوتار
و
الاسيف

على الاسئله الحلوة وفكرتكم الحلوة عن روز واتمنى اكون وفقت بالاجابه عن كل الاسئله
وياربي كنت ضيفه خفيفة الظل عليكم ومازعجتكم بأجابه او شي

وشكرا الك سكون وعراقي لاستضافتي على الكرسي واسئلتك سكون رووووعة وحيل عجبتني واتمنى اكون وفقت بالاجابة عليها


تحياتي لكم

اجوبه
روعه اختي العزيزه
وصراحه مو طبيعبه
وبعد عندي اسئله بس اظاهر الشباب الطيبه ضاجوووووووووووو ههههههه
بس غير اعرف همه شعليهم
هههههههههههههه
وعيني عازف مو اني الي منزل الموضوع انطي اقتراحك للمدير اووكي حبيبي
وشكرا الج مره ثانيه

السلام عليكم اشونچ عيني اشون الكرسي ان شاءالله مرتاحة على الكرسي
هو يصح يتعب وربي بس شسوي هاي الحياة ههههههههههه
المهم جايبلج كم سؤال ماعرف يجوز بيها مكررة والله اولا المهم ان شاءالله خفسفات هية مو كلش صعبات للعلم ترك ماكو الچ بس سؤالين فقط ترك والباقي كلها ههههههههه
يله نبدي
بسم الله الرحمن الرحيم
أ- اسئلة عن الاعضاء
1-عضو لفت انتباهچ لحظة دخولج للمنتدى ؟
2- عضو من خلال نظرتچ للحياة تشوفيله مستقبل جميل ؟
3- عضو يعجبچ تشوفين ردودة وتردين على مواضيعه ؟
4- عضو تحسي قريب الچ؟
وهاي الفرع الاول خلص
هسة الفرع الثاني
ب- اسئلة شخصية للتعرف على روز اكثر حرة في ترك اي سؤال
1- من هي روز ؟
2- هل حققتي امنيتج لو المشوار امامج ان شاءالله ؟
3- من خلال تجربتج بالحياة شنو اجمل عبرة اخذتيها من الحياة ؟
4-ماهي هوايتكي المفضلة ؟
5- بصراحة لو احد غلط مع روز هل مصالحتها صعبة ام سهلة ؟
6- من هو اقرب شخص لروز عل قلبها (خارج نطاق اهلها طبعا)؟
7- ماهو الشيء الذي يجعل روز تفترق عن المنتدى ؟
والفرع الثاني هم خلصنة
هسة الثالث

ج- اسئلة عامة الاجابة للجميع

1- لو كانت روز مديرة للمنتدى ماذا ستفعل ؟
2- شنو رايج ينقص المنتدى ؟
3- هل انتي نادمة على تسجيلج بالمنتدى ام ماذا ؟ بصراحة
4- ماهو الحب في نظر روز ؟
5- مارايك بالحب دون علم الشخصين اللذان يحبان بعضهما ؟
6-ماهي حكمة روز في الحياة ؟
7- اكو واحد غلط وياچ بس مو بالمنتدى خارج المنتدى وزعلتي منه هواي هواي مسامحته هسة انتي لو لا ؟؟ عرفتي ان شاءالله هههه
8- واخيرا (مارأيك بالمنتدى بشكل عام والاعضاء بشكل خاص )
اتمنى يارب متكون الاسئلة ثقيله عليج ولو انتي گدها وگدود مبين عليج وربي
طبعا الدافع الي خلاني اكتب هاي الاسئلة هو اجوبتج على الاسئلة الي قبلها وربي
طبعا هاي مو اسئلة اخير سنة ههههههههه
هاي شهرية
والباقي يجوز اكو بالطريق الله اعلم
تحياتي

روز اسمعي اغنيه المستبده لكاظم الساهر

اعتبرها اهداء ..

وانطيني رايج بيه

طبعا بعد الاجابه على اسئله عراقي

يله يابه
غير تقدمولها شي
شكد عصيه
عيني عراقي قدملها شي خطيه
وانوب اسيف ولا عبالك هههههههههههه

عراقي كلي فخر كتب:

السلام عليكم اشونچ عيني اشون الكرسي ان شاءالله مرتاحة على الكرسي
تسلملي عينك ... الحمد لله اسال عنك ... ماكو هيج مرتاحه اتدحى جلال طلباني مرتاح قدي ههه
هو يصح يتعب وربي بس شسوي هاي الحياة ههههههههههه
اي عمو حمودي شنسوي هههه
المهم جايبلج كم سؤال ماعرف يجوز بيها مكررة والله اولا المهم ان شاءالله خفسفات هية مو كلش صعبات للعلم ترك ماكو الچ بس سؤالين فقط ترك والباقي كلها ههههههههه
يمعود بس اسأل كلت نسى الاسئله بالبيت وبعد ميجيبهن فد دور ههههه لاان شاء الله مااترك اريد فل مارك ههه
يله نبدي
اوكي
بسم الله الرحمن الرحيم
أ- اسئلة عن الاعضاء
1-عضو لفت انتباهچ لحظة دخولج للمنتدى ؟
عراقي وكلي فخر
2- عضو من خلال نظرتچ للحياة تشوفيله مستقبل جميل ؟
عراقية وافتخر
3- عضو يعجبچ تشوفين ردودة وتردين على مواضيعه ؟
هواية اعضاء مثل سكون الليل الاسيف بسمة امل دموع الفرح
4- عضو تحسي قريب الچ؟
كل الاعضاء اخواني واخواتي
وهاي الفرع الاول خلص
خوش هسه ضمنت نص الدرجة هههه
هسة الفرع الثاني
ب- اسئلة شخصية للتعرف على روز اكثر حرة في ترك اي سؤال
اوكي وان شاء الله مااترك
1- من هي روز ؟
روز انسانه عادية طموحة جدا لاتعترف بحواجز ولاضروف لتحقيق الي ابالها لكن غير مجازفة
2- هل حققتي امنيتج لو المشوار امامج ان شاءالله ؟
حطيت قدمي على بداية المشوار ولسه الطريق امامي طووووووويل جدا
3- من خلال تجربتج بالحياة شنو اجمل عبرة اخذتيها من الحياة ؟
كن اسدا تأكل من فضلاتك الثعالب ولاتكن ثعلبا تأكل من فضلات الاسود
4-ماهي هوايتكي المفضلة ؟
المطالعه وتصفح النت عند وقت الفراغ والطبخ وفنونه كلش احبها
5- بصراحة لو احد غلط مع روز هل مصالحتها صعبة ام سهلة ؟
لاسهلةولاصعبة وسط بينهم بس الانسان العزيز عليا والقريب مني تكون صعبه عليه شوية هههه
6- من هو اقرب شخص لروز عل قلبها (خارج نطاق اهلها طبعا)؟
صديقة عمري ........ مااقدر اكول اسمها بالنت
7- ماهو الشيء الذي يجعل روز تفترق عن المنتدى ؟
كثرة المحاضرات وتراكمها فيقل وقت فراغي ويقل جلوسي على شبكة الانترنت
والفرع الثاني هم خلصنة
وهمين فل مارك بي ههههههههه شكد شطورة اني لعد
هسة الثالث

ج- اسئلة عامة الاجابة للجميع
اوكي

1- لو كانت روز مديرة للمنتدى ماذا ستفعل ؟
اغير قائمة الابتسامات هههههه جديات مااحبها
مااعتقد اسوي شي زياده عن الموجود
2- شنو رايج ينقص المنتدى ؟
الحركة اكو اقسام هوااااية نايمة ومابيها نشاطات غير انو اكو مشرفين صارلهم فتره طويله ميدخلون
3- هل انتي نادمة على تسجيلج بالمنتدى ام ماذا ؟ بصراحة
بالتأكيد لا ولو نادمة متشوفني هسه متواجده وداارد على اسئلتك
4- ماهو الحب في نظر روز ؟
مجاوبه على هيج سؤال بالصفحة السابقة
5- مارايك بالحب دون علم الشخصين اللذان يحبان بعضهما ؟
شوف هو مستحيل ميحس واحدهم بالثاني ولو محد بين للثاني حبه لكن اكو اشياء ثانيه تدلل على الحب وخاصه نظرات العيون مستحيل تغلط العيون في كلامها وبهاي الحالة يكون اروع حب
.... الحـــــــب الصــــــامت ... افضله على الحب المباح به
6-ماهي حكمة روز في الحياة ؟
من جد وجد
7- اكو واحد غلط وياچ بس مو بالمنتدى خارج المنتدى وزعلتي منه هواي هواي مسامحته هسة انتي لو لا ؟؟ عرفتي ان شاءالله هههه
ههههههههههههه روز متشيل بقلبها على احد ومن تزعل من احد او تشوف شي خطأ بي تكوله ومتخفيه
8- واخيرا (مارأيك بالمنتدى بشكل عام والاعضاء بشكل خاص )
المنتدى زين بس يرادله اكثر تعب وجهد من قبل المشرفين يعني بس شكم مشرف اشوفه يدخل والبقيه مااعرف وين ....!!!! المنتدى مثل منتونس بي ونستفاد منه لازم نعرف حقوقنه تجاهه
اما الاعضاء مااقدر اعمم رأي واحد للكل يختلف من عضو لعضو والكل اخوه واصدقاء ومشفت غير هالشي من خلال تواجدي هنا
اتمنى يارب متكون الاسئلة ثقيله عليج ولو انتي گدها وگدود مبين عليج وربي
لابالعكس اسئله حلوة ومريحه جدا والله تسلملي من ذوقك
طبعا الدافع الي خلاني اكتب هاي الاسئلة هو اجوبتج على الاسئلة الي قبلها وربي
تسلملي كلك ذوق والله
طبعا هاي مو اسئلة اخير سنة ههههههههه
هاي شهرية
والباقي يجوز اكو بالطريق الله اعلم
تحياتي

هههههههههه تدلل لو مو بس اخير سنة لو دور ثاني همين اجاوب اني كلت لسكون قبلك عادي اني مااتعب ولااضوج لاني احب الاسئله واحب اجاوب

اشكرك اخوية العزيز على الاسئله اللطيفه

الاسيف كتب:

روز اسمعي اغنيه المستبده لكاظم الساهر

اعتبرها اهداء ..

وانطيني رايج بيه

طبعا بعد الاجابه على اسئله عراقي

سامعتها من قبل اغنيه رائعه بكل معنى الكلمة
شكرا الك

لعد اسمعي حبك نار او جباااااااار لعبد الحليم حافض هههههههههههههههههههههه

بله اريد اغنيه
انسى لماجد المهندس
ممكن
شعدنه طلبات الاغاني
ههههههههههههههههههههههههههههههههههه

هههههههههههههه حلوة الاجوبة وربي عجبتني محضرلج نوب بس كلت خلي ترتاح شوية
مشكورة عيني

لا سكون اسمه شبيه انجنيت لماجد بعدين انت شفت روحته للعمره بعد الاصابه

وله اكلك اسمع لعيونها لهيثم يوسف

ههههههههههههههههههههههه

على طاري الاغاني نزلونه البوم ماجد الجديد ههههههههههههه

ههههههههههههههههههههههههههههه
موجود حبيب
بمنتدى الاغاني العراقيه
ورايح للعمره رحمه من الله هههههههههههههههههه

هههههههههههههه اي الله يهدي من يشاء