دكيت باب الـوطن وابوابه مسدودة ومن فتح بابة انزلن دمعات بخدودة صب الدمع واشتكى من دون ما يحجي وصعبة علية من شفت عين الوطن تبجي آآآه يا وطنا الحلو راحت حلاتك وين راحت وصارت قطع سودة عل الحياطين آه ياوطنا الحلو يا زين يا غالي مو انت الاول جنت ليش اصبحت تالي الناس جانت كبل تتوسل اتشوفك وهسة صفت بالعكس تتوسل اتعوفك ابجي على بلدي ابجي على بغداد عل المتحف ابجي انا على التاريخ والامجاد ابجي على الصحفي ابجي على الفنان وعلى الماي ابجي انا وعلى الاشجار