يا ألهي
العيد اجانة
وبعدة ثوب الحزن الاسود
لابسينة
وبعدة طاري الحزن
بينة
اشوكت نفرح
اشوكت نرتاح
ونگول الحزن ولّة
وننفض غبار الموت
من بيوتنة
العيد اجانة
يا ألهي
واحنه كل واحد بديرة
الاب يدور على ولدة
الأم توّن ونّة ثكالى
الخوف هدهة
الحزن شلهة
وبيهة والله الوكت لاعب لعبتة
الاخ يدور وين اخوته
بيا مدينة
بيا مكان
الاخت
ظلت على الهامش
تنتظر دگت الباب
وشيجيب الباب غير الموت
وغير الموت
بالله شيدگ بيبانة
يا ألهي
شگد تعبنه
وماعرفنة الّي يعين
ياألهي
شگد حزنّه
ومالگينه الّي يواسي
الموت قاسي
الاخ نسانه
ومابقت إلا رحمتك ياالهي
وكون ياربي..
تكون ويانه