مو وجه هاذا كمر الله و اكبر *** هم الله مثلج خلق و الله اتحير
قوس انه و انته النبل و شوف المعزه *** ليش بمحبتك تصد و كلبك توزه
سيفك طعنته بصدر ما تدري صدري *** مو انه حب الازل كلي متدري
يا شمس غربي بعد كربو لاحباب *** و الظوه بيهم يشع من دخلو الباب
ياوكت خل الذيب يعاشر ارانب *** واصبح عراق اليوم تحكمه الاجانب
اهداء الى اخي العزيز..
للخوة اهدي الروح وعيوني الاثنين *** والعمر فدوه يروح بس الك يازين
اكنس طريق الشوك برموش العيون *** وبدمعي ارش الكاع بلكت تمرون
لمم اغراضه وراح كلبي ولحكته *** من كلي رايح لك عفته وعذرته
صح انته عني بعيد لو تحسب امتار *** بس انته بين احشاي مبني الك دار
كون انا هسه وياك كون انا يمك *** اتمنى هسه الموت بس كون اشمك
انته بغلات الروح واكثر غلاتك *** انا عشگت بااخلاص وانته ويذاتك
اهداء الى الاخت بنت البصره..
للبصره واتعناج واتعنه لاهلج *** بالروح لو يرضون اقبل وبدلج
من روحي تطلع نار تكتب قصيده *** للبصره واتعناك يالروحي بيده
رد للاخ قاسم الشطري حيث يقول..
خاف الك نيه انوب تسالني عالجود *** مر بالشطره انت وشوف تلكاني موجود
الرد..
خايف واخاف منين !بس الله خفنه *** بس لله مطلوبين ولبيته طفنه
بالشطره امرن ليش وبگلبي موجود *** صدگني ما محتاج ذوله احنه اهل جود
مو عن طمع سئليت بس ردت وصلك *** بالنت اجيب اعمام لو ردت افصلك
قاسم يبو الطيبات صدكني كفيت *** يشكر ابن حجام ويكول وفيت
خاف الك نيه انوب تسالني عالجود *** مر بالشطره انت وشوف تلكاني موجود
اصفن واجر حسرات والدمع ينساب *** والفركه مثل الموت مابين الاحباب
يا ربي مو مليت واذتني لجروح *** لو ترحم الينخاك لو تاخذ الروح
**** **** ****
هذا الجمال منين ياعمي بلوة *** هم خصر هم خدود هم شفة حلوة
**** **** ****
كاكه ارد اصير اليوم ورد احجي كردي *** خاف احجي بالمكلوب وتسمعه هندي
**** **** ****
من كلبي اكص لحمات ياهادي وانطيك *** ون مالكيت فراش بضلوعي اغطيك
احبك من قبل اعوام مو حب انولد هسه *** احبك وانت بالارحام وامك بيك تتنسه
افرشلك وسط روحي وجفوني تصير اغطاك *** وابوس اتراب شارعكم لان بي اثر ممشاك
الناس معدن ذهب وانتة الذهب لونك *** والناس من طيبتك كلهم يحبونك
سبحانة من سواك نص وجهك عيون *** صغير سبيت الناس من تكبر شلون
هاك اخذ كل اعظاي لتظن اعوفك *** بس عيني اعزهة اعليك جي بيهة اشوفك
(((وكل عام ونتوبخير يا احلة اعضاء في احلى منتدى)))
