سالفة أمي..
يمة هاك أخذ الوديعة
ودير بالك لو مشيت
ويمة لف گلبك بضلعي
وردّة لو
يمة أجيت
وهلة يا ميّت هلة
يوم اللفيت
يا هلة بسباح گلبي
ويا هلة
بشمعت البيت
أرد أسولفلك ييمة
شصار يوم
انته المشيت
گمت أشم هدمك ييمة
وبالدمع فوگ
الهدم كتّيت
وصبيت دمعاتي على خدّي
ومن كثر صب الدمع
يوليدي أنا سلّيت
ملّت الناس لبواچيي ونحيبي
وآنه أبد يمة
ولا ملّيت
وتالي لحظة ولن حلم
يمة وغفيت
ولن هذاك الواگف گبالي شحلاته
گال بطلي يمة دمعچ
وبطّلت يمة ونسيت
وتالي من ذاك الحلم
گمت وصحيت
ولن أشوف أوليدي يمّي
كلّي من يا باب أجيت
آني أحلم
لو بعد روحي صحيت
أنته ابني الواگف گبالي
وعلى متوني ربيت
ولنّه هذا الصوت لبني
گلّي يمّه آنه أجيت
آنه عاهدتچ ييمة
وذاك عهدي ما نسيت
الأم :
أدري يوليدي أنته گتلي
وصدَّگت يمّة ووفيت
بس شگل لگليبي يمة
منته بيتي اللي بنيت
تهدمت أركان بيتي
يمة يوم انته المشيت
وهلة يا ميّت هلة
يوم الاجيت
يا هلة بسباح گلبي
ويا هلة بشمعت البيت
* * * * * * * * *
يبني عندي وياك حسبه
حسره يوليدي وچبیره
والحمل کلش ثجیل
ومل گدر متني يشيله
يبني خلاني الوكت
من فرگتك عمیه وضريره
يبني عاباني زماني
وصرت لحزاني اسيره
يمّه طلگنه الفرح من فارگتنه
وصارت الدمعات بعيوني هديره
ويبني عود الفرحه تكبر من لفيت
هله يا ميّت هله يوم الاجيت
* * * * * * * * *
يبني يبني أمّنت عندك امانه
وارد انشدك يبني چا وین الامانه
أمّنت گلبي بضلوعك
ويبني من ردّيت حسيت بمهانه
شفت ضلعك يبني ملتم
والگلب فاگــــــــــــــــــد حنانه
أرد انشدك يا ضلعي وزماني
هالوكت چا لیش شو فاگد زمانه
وارد انشدك عالسوالف
باليـــــــــــــــــــه وصارت خيانه
وارد انشدك عالامانه
يبني چا وین الامــــــــــــــــــــانه
ویبني عود الفرحهتكبر من لفيت
هله يا ميّت هله يوم اللفيت
* * * * * * * * * *
هيّه هيچ العاهدتهه امك حنانك
ترجع بثوب الحزن
يبني من چویات دهرك
دهري ناقـــــــــوس ويرن
ونشرگ بماي الزلال
لـــــــــــــــو يمر اسمك بذن
يبني سولفلي شجرالك
يالكلامك كلّه فــــــــــــــــــن
سولف وسكتت الدنيه
الچانت تصيح وتـــــــــــــون
آنه عاهدتچ ییمّه
وذاك عهدي ما نسيت
وآنه جیتچ معتني
لــــــــــــــيچ وحنیت
یمّه سالفتي طويله
شما اسولف مـــــا وفيت
وأختصر كل السوالف
وارد اسولف مـــن اجيت
* * * * * * * * * *
يمّه انه اذكر چلمتچ
وارد اوفّي بچلمتي ووعدي واجيچ
وارد اسولفلچ على الصار وجرالي
وارد افــــــــــك جرحي على اديچ
يمّه چم مرّه اعتــنيتچ
یمّه بعت الدنيه كلهه ورحي
چي ردت اشتريچ
یمّه جيت أوفي الامانه
وانحني عليچ ارتضیچ
یمّه يا مرخص طلبتچ
روحي اگطعهه على اديچ
* * * * * * * * * *
یمّه سالفتي ابتديهه بذل وداعچ
والدموع السالت بذيچ العیون
واذكر حچایات حلگچ
ديرتك بالـــــــــــــــــك تخون
وأنتي صبرتي على صبري
وگلــــــــــتي بس تصبر تهون
وآني بين ادموعي طاحت
وانتـــــــــي شيــــــبچ عالمتون
بین أه وبين حسره
بين لوعه بين صرچات السنون
یمّه ليش الله خلقنه اثنين
كون الله خلقنه
اثنينه بواحد نكون
يمّه ما عمري تركتچ
شلون اعوفچ انه دون
وانتي والحسره على روحچ
یمه روح
وانته بس ترجع تهون
آه ...یا یمه بغیابچ
بینه لعبو طوبه والله الشامتون
واحنه مثل الصوف نفتر بالمغازل
ورحّه تطحنه على هون
وحيل تيهنه دربنه
وعلمونه شلون واحدنه يخون
والحچي الماصخ
كثر بين الشفايف
والوفي يسمونه دون
علمونه شلون نغلط عالشريف
وعلمونه ادروب
كل ذيچ المجون
وبنه باعو واشترو بسم الوطن
وانه ذاكر چلمتچ
لا ما اخون
وصارت اشکال الدروب
علينه يا يمه وفنون
والوفي اليوفي لحليبه
وانتي يا يمه
حليبچ یوفي كون
