اعتاب .للشاعره نور البدر

[size=21]أعاتب من بعد شيفيد الأعتاب
خلصنه الحجي وتيهنه حسبتنه

وجنه نكول غيمة صيف تنزاح
وصدكنه السراب وبيه أمنه

وأملنه المطر ينزل بعد يومين
مامش لانده ولامزنه مرتنه

عمرنه الفات خلصناه صفنات
بين آمالنه وحيرة أمرنه

شبعد يا الماتمر مو طال الغياب
صبرنه وبالصبر خلص عمرنه

جبناهه دفع نتوسل الحسرات
بلجي بليلة ظلمة يشع كمرنه

أشتهيناك أشكثر ما بالروح حسرات
بلجي الطيف لحظة يلم شملنه

ونفز والبال حاظن أحلى الأطيوف
ونتلمس جرح طايب جرحنه

تعال.. العين ذبلهه البجي وي جور الأيام
وكبرنه أعله الصبر كد ماصبرنه

أمس فز الحلم يطلبني ضحكة موت
بيا صورة التجينة وطيفك يسرنه

وتموت الذكريات بطن الافراح
وإذا تطلك فرح ينزل قهرنه

صب تيزاب دهري بنص العيون
ومامش أيد تنمد لوعثرنه

جليلة عكل روحي متانية الحاصود
تشتل بالصبر وبغيضه يحصدنه

شبعد والدنية ظلمة بساعة أغروب
أشو بعد العصر غابت شمسنه

مثل الناس أحنه لو قدر مكتوب
لو كل القدر رافك قدرنه

حرت وياك كلي منين أجلب بيك
إذا أنت خيال أمنين ألزمنه

[/size]

شكرا اخي الاسيف

سلمت اناملك عزيزي

أعاتب

* * *

من يمر بيّه حنين الصوت
اعاتب
ولو يمرني الطيف
يلكـَـــاني هله ويلكـَــاني غايب
مانه من كـَــد لهِْفتي لشوفك
شمع بسكوت ذايب
دكَ عليّه الباب
كـَــلبي . كــَـبل ما جاوب يجاوب

وابتسم لي الدنيه تحله
واحس كل الناس يحبّيب حبايب
وتدري.. من تكبر على اشفافك بَسِمْتك
يكبر ابكـَــلبي الهوى..
ومجبور اعاتب

الله هالله .....

اعاتب بيك مثل عتاب اليهود...وكول بلكي من عتابي تزعل

شكرا ابو خلدون مداخله جميله من ...مبدع جميل

يسلمو

تلسم حبيبي

عاشت الايادي حبيبي الاسيف
ونريد منك المزيد والتقدم الناجح
مشكووووووووووووووووووور

يــســلــمو على الطرح المميز

تحياتي