شمس وكمر..للشاعرعلي كريدي

شكد احبك انــــة
موتني حبك بحر
عاندت بي وغركت

كل ليلة بية تمر
اخسرلك شكد عمر
ردت اربحك مكدرت

واسهر واعد بالنجم
بلكي عيوني تمل
نام النجم من وكت
وانة ابمكانة اسهرت

وضليت اعاند واحب
وصعبة ليعاند عشك
جيتك وكلبي يدك
من شفتك انة متت

ما شفت مثلك ابد
والي يحبك ملك
وانة ملكتك بعد
مااعوفك انة اقسمت

روحك حنينة شكثر
وكلبك يدفي بلد
شكد اني اعمى عشت
لمن عشكتك شفت

واشفت مدري اشفت

شفت انة شمس وكمر
انجمعن افد وجه
اقترب يعني احترك
وشلون اذا اتبعدت

مد ايدك اعلة الكلب
نيران بية جمر
بلكي تجويك وتحس
واتكلت انة اشردت

ردتك تضل بالكلب
متعوفة وحدة بغرب
امنتة باسمك بعد
دكاتة انت صرت

وردتك بعيني نضر
وبيك انة ارسم درب
كل خطوة بيها صبر
وامشي بكثر مصبرت

ولهسة ما صدكت
ما جوز منك بعد
لو عمري كلة خسرت

وردتك بصدري نفس
واختنك ما طــلعك
حتى انة اثبت الك
منك ابد ما جزت

وردتك بصدري نفس
واختنك ما طــلعك

الله يا الاسيف
شكرا لك وللشاعر

حبيبي ابو خلدون

جميل ماكتبت او ماخترت

ههههههههههههههه شمس وكمر مو وكتهه وذكرتني بيهم لا على بختك جنت ناسيهم
شكراااااا للاسيف بس انته تعرف منو يحب الشمس والكمر ؟

شكرا حبيبي الغالي الطائر

ههههههههههههه هلو حبيبي العاشق ....انت تعرف الشمس تحرك حرك ...والكمر ينعشك عشك

لا تجي يم الشمس حبيبي ضل يم القمر احسلك ههههههههه

مو نيتي اذكرك بيهم..لا على بختك جنت ناسيهم

شكرا للعزيز الاسيف
على ذوقه الحلو

شكرا اختي الغاليه بنت العراق.....عاشت ايدج

شكرا حبيبي

بعد عيني العازف

يــســلــمو على الطرح المميز

تحياتي