أجاني بالحلم والحلم عا يشته
وما اكعد بعد حسبالي من شفته
شفت كلشي حلو بعيوني حتى نوم
وخلصت الحلم وياه بالسكته
جنت أدري يخون وجذبته الروح
وجذبت الحقيقة وجذبه صدكته
فرحانه اصبر الروح أنه بجفاه
وصبرت النفس والكلب صبرته
و مره عشرته أني ادري ما تنراد
ومثل سنبلة والفلاح عاشرته
يفرح من يشوف أدموعي تنزل عين
وبخدي يشوف الجرح راسمته
وظل حبه صفه مثل الكسر بالروح
وصبرت الكسر بدموعي جبرته
اوكمت أني عله حيلي وما طحت للكاع
وانه باب الكلب بجفاه قافلته
وهسه جايني ويكلي انه الغلطان
ومتندم وبعدج عمري طلكته
دخيلك لا تهيج جرح مات وطاب
روح ابتعد خل أنساك
كافي عمري ضيعته
لغيتك من حياتي
أوبعد ما هم بيك
وجرح غدرك يظل بعيوني شايفته
