هذي زهيريات للشاعر مالك الحزين

قلبي القبل مايون بجفاك ونه انته
وضنيتك انته الفرح ثاريك ونه انته
مامش طيوفك واباري ابشوگ ونه انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاق اشوفك ولو مشوار لو لحظه
وين انته روحي دنت عالموت وين انته

من صرت للغير همك بالجبد حالي
ومن همل الدموع عيني سوادها حالي
حالي انت بالعين غيرك ماشخص حالي
وانت الوحيد العلي وسط القلب ونته
جسمي تناحل متت بادي العزم ونته
اني اتقلب على نار الجمر ونته
بحضن غري ولاتدري شجرا بحالي

ظنيت حبك من الاحزان سلملي
سلمتو قلبي وعذاب وضيم سلملي
ومادام انته يساه العين سالم لي
خلها تجره علي بالظيم قصابه
وفدوه الشعرك عليه تلوك قصابه
انته العيونك شبيه السيف قصابه
والي بهواهن وكع ان طاب سلملي

قصت شعرها الخللك بس مو مثل قصتك
وماشفت بين البشر طولك ولا قصتك
جن انت ولا انس كلي شنو قصتك
عجبني طيفك معاي يبات عجبني
وكلمااروح بدرب القاه عاجبني
تدري انت شنو الكتلني بيك وعاجبني
عاجبني كلك حلو من جدمك لقصتك

عيونك سهام نبتن بقليبي ومخالف
وضليت اون بعبرة حجاز ومخالف
وشلون املك وهم سمعت مي خالف
المجرى ورجع بالعكس رد وصعد راسي
حبك حبك چتلني وغرامك بالقلب راسي
واريد بس لو متت توچب عند راسي
وتقلي احبك ولو بالچذب ميخالف
لا تحرمونا من ردود

مشكور حبيبي الغالي

يــســلــمو على الطرح المميز

تحياتي