عافك الوحــــــــدك ...شعر صهيب السامر

موكافي حزن موكافي عاد دموع
ياكلبي اليحبك عافك الوحدك

لاتنزف بعد بطل تحب وارتاح
حلو يعني الدمع من يجري بخدك؟؟

لاتأمن شمس لوجان طبعك ماي
اذا تكلك اشيلك يمي وتصعدك

لان صدك بخارك من يصير غيوم
ماي اعله الارض متندم تردك

ضم وردك بعد ليشوفه هذا وذاك
وبحجة يشم يكطع نبض وردك

ياكلبي اليحبك خله بيك جروح
ولزم كل ذيكرياتك بيهن يجلدك

فرش كاعك جمر من واعداك اتطير
وكص اجناحك وفوك الجمر هدك

يفزع بيك اجاك وينخه كوم وياي
واول ماكمت رأسا وكف ضدك

من شافك حضن دافي وتحضنه بحيل
كلك فدوه ضل محتاج انه الودك

ومن يطلع صبح يدفر ودادك ذاك
لأن بس بالليالي يريد يتوسدك

رد الحالتك ياكلبي وانسه الصار
مشتاك الضحكتك والله مفتقدك

عنك ماسأل ماكال يمكن مات
ولا كال احتييه ولا حاول ينشدك

ولا هزه الحنين وكال جاني الليل
ولا مره ذكر ضحكاتك وصدك

بس جاوبني كلي تحبه بعدك ليش
ولك بطل دعوفه امن اشتعل جدك

هو العذبك هو الجواك وراح
اي ليش شبيك المن توفي بوعدك؟

كطع جذرك غفل منك صنع ناعور
وتسكي امثالك انت اليوم من زندك

المن باقي كلي شبيك وشعندك
ميحبك بعد ضل عايش بوحدك
شعر

صهيب السامر

لك شنو هالرومانسيه هاي

و لا عرفتك هيچ

بعد بعد

لح على گلبي لح

هووع

سلمت الايادي

ههههههههه
ادلل حبيبي انته
احبك

يدللوووووو

هههههههههههه شنو انت مثنى كل هاي تحب ولك ههههههه
شكرا حبي سكون

هههههه
حبيبي انته شايل جروحك بروحك
ادلل

شكرا لك سكون على قلمك المبدع دوما

حبيبي ادلل
عيوني
اسد

شكرااا لك سكوووون

اهلين سانتانا ادلل ورده

اولا سكون اشكرك على هذه الكلمات المميزة
والاختيار الذوق كلش

ثانيا:عافك انت معافنة احنةههههههههه

اولا
انتي الذوق ياسمين

ثانيا ههههههههههههه اي عافني اني يبكي

هههه
شكرا على الرد عيوووني يااسمين نورتي موضوعي

يــســلــمو على الطرح المميز

تحياتي