صدك تقبل تحب غيري ؟

صدك تقبل حبيبي لغيري هسة تصير ؟؟


وصدك مليت مني وبعد متحبني ؟؟؟



وصدك هانت عليك أيامنه الحلوات



وما هانت عليك شلون تتركني ...



من يمته المذاهب نحسبلهه حساب ؟؟



ومن يمته الطوائف جانت تهمني



أنا لمن عشكتك ما سألت الناس



ولا جنت أدري اصلك ...



شيعـــــــــي لـــــــو سنــــــــــي



شجاك تغيرت وبكلبك أنت شصار ؟؟



جنت تموت بية وجنت تعبدني



وجنت أتنفسك وأنت الهوه بدنياي



وجنت لو تبتعد لحضات تخنكني



معقولة الورد ينكر جميل الماي ؟؟



وانت بهالسهولة تنازلت عني



ما أنكر .. مقصر أجت فترة وياك ...



لاكن مو بدية الوكت يجبرني



شفت يمك نفط ...



وبين أديك ألماي



وانا بناري أشتعل ردتك تخلصني



لكيتك بالعكس مايك شمرتة بعيد



وجبت النفط بيدك حتة تحركني



شسولفلك بعـــــد ؟؟؟



طعم السوالف راح



ردت منك توافي وخيبت ضني



أدري الوكت هوة الخلة كلبك هيج



وأدري الطائفية الباكتك مني



بس قبل لا تبتعد ...



عندي سؤال أرجوك ؟؟؟



فكر وية روحك عود جاوبني



باجر لو متت وتشوفني بتابوت ...



هم تبجي علية وبعد تذكرنيــــ ؟؟؟؟

ولله قصيييييده رووووووووعه
واكو هواي ناس راحوا ضحآيا للطائفيه
بس مع الاسف اكو ناس هيجي تفكر

شكرا
على القهر

هااااااااااااااااااااااااااااااااااااااا

اي والله مع الاسف اكو هيجي نااااس تفكر اهئ اهئ
قصيدة تمووووووووووووووووووووووووووت من القهررر
يسلللمووووووووووووووووووووووووووووووووووو
كتيررر

سلمووووووووووووووووووووووووووووووووووووووو روعة تحياتي

كلج وق والله
تقهر كلش

روووووووووووووووووووووووووووووووووووووووووعة

يسلمووووووو

والله خطيه شكد صارو ضحاية حب من ورا الطائفيه......