ولك ها يا گـَلب جنكـ اله اشتاكيت

ولك ها يا گـَلب چنك اله اشتاگيت

ميحبك يگلبي شبيگ افهم عاد

نساك الي تحبه وانت ابد مــنسيت

ميفكر بعد ميهمه حالك هاذ

ولاتنزل ابد دمعاته مهما ابچيت

لا تهتم ياگلبي وانسه حبه ارجوك

قابل گلبه انته ومني تبريت؟!

اعرفك ذايب وخلصان ميت شوگ

أي بس كابر بعد .. اعرف ولك حنيت

اريدك مثلي مــتبين حزن عيناك

مو هذا اني يمك .. والله هم عانيت

ما اذكر جبرتك .. كافي هذا النوح

انت الجازفت بالحب تره وحبيت

اتحمل نتيجة تعبك المافــــــــاد
وحدك انت وحدك بالجرح ضليت

لاتترجه منه يحبك ويهواك

عافك وحدك وماقدرك من جيت

انسه الصار بيك وخلي اني ارتاح

ياگلبي اتعبت منك تره وجنيت

أموتك حته اخلص ؟ لو اموت شلون؟

أي مو من البچي بدموعي وك غصيت

أغني وچني ماشايل هموم الكون

ليش تصير ضدي وبس حزن غنيت

سويتك صدگ شاعر تحبه الناس

ردتك تنسه بس شو كلشي ماسويت

ضليت بحنانك وبمحبتك ذيچ

بعدك بالحلم عايش فلا فزيت

بعتني وانته گلبي وصرت مثله النوب

تفكر بالنســـــاك وعني اتخليـــــــــ

تسلمممم حلووو

مرورج الاحلى

هاااااااي شنو ابداع والله عاشت ايدك اكلك محمد بس لا انت مالفه لان انت عاشك كلشي يطلع من العاشك ما استبعد شي هههههه

روعــــــــة

اولا شكرا على المرور
هههههه بنت الانبار
لا يجوز االف بس ماوصل لهل الدرجه طبعا
جديدي عود تشوفي عن قريبا انشالله هههههههههه

تسلم يا عاشك ههههه

روعــــــــــــه

ههههههههههه
الله يسلمج
شكرا على المرور