| ياخوك أنا عودت نفسي تعتلي فوق السنام | |
| | مار الزمن جاير علينا ماقدرنا نقنعه |
| جاك الجمل باللي حمل غير المسامه والخطام | |
| | كسرين في ظهره تمادن والله أنه موجعه |
| الحظ يردعه الزمن..والجوف..؟؟ يكويه الملام | |
| | والنفس لولا ضيقته شعر الغزل...ماتسمعه |
| أغديه يجلا همها وصف العبايه واللثام | |
| | وش عاد ذيك المترفه دامه علي...مدلعه |
| قلبي عليها لاقسى عود يجر الأنهزام | |
| | وإليا رضت عقب الزعل هيّد لانه مطمعه |
| يفرح ...إذا لدت وله،،تبعد...هوا بحر الخصام | |
| | كذا كذا دربه صعب والأصعب أنه...يقنعه |
| أحيان أوردها عتب وأحيان أقاسمها الغرام | |
| | وأحيان أعاندها كذا من ضيق وألا من سعه |
| أن سانعت عيد علي وأن عاضبت...طبعا حرام | |
| | موتوا قهر ياحاسديني حبكم...للمنفعه!!! |
| حبي نقا..وصلي شقا..عزاااه مافيها كلام | |
| | مار الصراحه جايز ٍلي طيفها دوم أتبعه |
| أحلامنا كانه قريبه...فوق جنحان الحمام!!! | |
| | وظروفنا لو هي صعيبه...وصلنا ماتقطعه |
| لبيه ياشف الهواوي لالفا طيف الحلام | |
| | ياكن ريقك لاضما الغافي يدوخ ويجرعه |
| وش حيلته لو تاه فيك إليا تغشلاه الظلام | |
| | هي تشبعه نظرة عيونك..؟ صدق ماهي تشبعه!! |
| الشوق طبه...سلهمه وإن وافقت للإبتسام..؟ | |
| | قلبي ومعلوقه شلع...وألد وأشوفه معه |
| يفداك...كله ممتلي بالحب وأنواع الهيام | |
| | مسكين ياقلب ٍتولع نظرتين ٍتشلعه |
| بس الأكيد أنه جمع بين الغلا والإحترام | |
| | ولانسى غير الزعل أو كل كلمه موجعه |
| أقولها يشهد علي الوقت...وأختم بالسلام | |
| | وأنثر لها ورد الغلا وألحق غرامي وأجمعه |
